I Xuntanza Culinaria Multicultural da vila de Silleda

O sábado 22 de Setembro, a partir das 19:30 horas, terá lugar  na rúa Cartaxena a primeira edición deste acontecemento, que pretende celebrar a diversidade cultural da vila de Silleda. Esta inciativa da Asociación de Veciños Olaia, pretende integrar e dar a coñecer a riqueza multicultural de Silleda a todos os veciños, mediante a degustación gratuita de produtos de 12 países diferentes. 

Segundo a Asociación de Veciños Olaia, os obxectivos desta proposta son:

-Dinamizar a vida social da vila de Silleda e alentar a convivencia veciñal

-Recoñecer e apreciar a o valor da riqueza cultural da capital do concello.

-Contribuir á integración e coñecemento de todos os colectivos, etnias e culturas.