Cervaña

Situada na aba do Monte Péon e regada polo Río Cervañiña, afluente do Toxa, posee grandes extensións de pradeiras e terras ricas que a fan aptas para todo tipo de cultivos e explotacións agropecuarias.

O seu recoñecemento histórico veu da man da liñaxe dos Fernández de Deza e Taboada que lle deron o título de Patrón de Cervaña, e que chegou ata o Marqués de Santa Cruz de Rivadulla.

Destaca a capela funeraria e panteón da familia  Fernández de Deza, como espléndido exemplar único da comarca, con fachada plateresca e interior gótico de transición. 

Desta parroquia era Andrés Aguiar Caamaño (1728-1816) que foi bispo de Mondoñedo.

Dende o ano 2003 a súa sona permanecerá unida ao viaducto de Reguenga da autoestrada AP 53 e a peaxe que a sitúa a 9 Km de Silleda e a 23 km de Santiago. 

Dispón dunha das primeiras casas do Concello dedicadas ao turismo rural, a Casa da Laxe.

Patrón: San Salvador

Nª Sra. da Piedade. 26 de Marzo.

San Roque. 6 e 7 de Agosto.