En Carboeiro tan só nomear o monumento símbolo de toda a Comarca: o Mosteiro de Carboeiro, (monumento histórico artístico no ano 1931), do que pola súa importancia xa se fala noutras páxinas desta web con máis detalle. Con todo, este conxunto cincundado polo río Deza, ten outras construcións que ben pagan a pena unha visita en xornada completa. Así, a coñecida como Ponte do Demo que comunicaba, dentro da Xurisdicción de Carboeiro, o mosteiro coas frequesías da súa soberanía, Carbia, Fontao, Merza e Bodaño. Tamén e interesante o patrimonio etnográfico, restaurado do Pombal e o Muíño e a Pía de augas sulfurosas.
En canto ás festas e actividades culturais, reseñar as patronais na honra de S. Lourenzo o día 10 de Agosto, o festival folk e as exposicións permanentes que se organizan nas dependencias monacais.
Por último, destacar a flora e fauna autóctonas da zona que forma parte do Sistema Fluvia Ulla-Deza como Lugar de Importancia Comunitaria dentro da Rede Natura 2000.
A igrexa parroquial conserva unha notable colección de canzorros románicos e unha imaxe gótica da Virxe, de grande valor artístico. |
