San Salvador de Escuadro

Inicialmente románica, conserva unha fermosa portada da primitiva fábrica do século XII, formada de dous pares de columnas que sosteñen as arquivoltas tóricas con bezantes e chambrana xadrezada. Tamén destacan os capiteis zoomorfos e vexetais que soportan un curioso tímpano bilobulado na sección recta.

No S. XVIII tivo que seren ampliada para acoller aos devotos de Sta. Isabel, celebrada e venerada sobre todo o día 2 de xullo por milleiros de romeiros.

Deste século chama a atención no templo a elegancia da súa torre, os ricos retablos barrocos e tres relevos de granito; e no seu exterior, o conxunto formado polo adro coa sobria escaleira de acceso, as casas que o enmarcan e o palco para a celebración das grandes ocasións.

•